Home / Silih Asah Silih Asih Silih Asuh / Warta

Minggu, 6 Desember 2020 - 13:30 WIB

Risman, Budak Ngora nu Reueus Kana Kasundaan

Tasikmalaya, PajajaranPost.com – Awalna tina kareueus kana Budaya Sunda, Risman Pratama muka toko Sindang Kangen nu ngajual rupa-rupa aksésoris nu aya patula-patali jeung Kasundaan. Toko nu dibuka ti taun 2012 ieu, boga tékad hayang ngenalkeun budaya ka kaum milénial.

“Palay ngenalkeun ka barudak ayeuna yén Sunda téh teu kampungan,” cek Risman, di tokona di Kp. Cilembu Desa Singasari, Kecamatan Singaparna, Tasikmalaya, Saptu (5/12/2020).

Barang-barang nu aya di toko éta, pokna, meunang ti para pengrajin nu aya disabudeureun Tasikmalaya. “Nya ieu mah bari silih bantosan sareng pengrajin lokal wé,” omongna.

Risman keur di tokona

Barang nu dijual di toko manéhna kalintang loba jinisna. Ti mimiti geulang bahar, kaukah, gaharu, cendana, secang, algathis, pangsi, iket, kantong kaneron, ali, jeung sajabana. Harga nu ditawarkeun gé teu pati mahal jeung katepi ku sararéa. Nu meulina, lain ti Tasik hungkul, tapi ti luar kota gé loba.

Lapak risman ditempat wisata

Risman nétélakeun, yén manéhna teu dagang di toko hungkul. “Samentawis mah ngeusian tempat-tempat wisata,” cenah, “di Ciwidéy Kabupatén Bandung gé aya.”

Baca juga  Pembahasan APBD Murni Jabar, Tetep Berharap Ada Rasionalisasi

Manéhna boga pangharepan ka Ais Pangampih Kabupaten Tasik, khususna Dinas Pariwisata, supaya mantuan ngaronjatkeun para seniman lokal nu aya di Tasik. Malah, cek Risman kénéh, loba pisan pengrajin nu can kagéroh ku leungeun pamarentah.

Baca juga  Musdus Pemilihan Calon Ketua Pelaksana Opersional BUMDes “Sumber Sejahtera” Batujajar Barat

“Kedahna ais pangampih kersa kukurusukan ka lembur-lembur. Kumargi seueur pisan seniman boh pengrajin nu palay dironjatkeun. Nya minimal bimbingan atuh,” pungkasna.

(Rimba)

Editor: Erlian Permata Sari

Share :

Baca Juga

Warta

Ribuan Buruh Cianjur Kembali Turun Kejalan Terkait SK Gubernur

Warta

Satgas TMMD Kodim 1206/PSB Beri Arahan Operator Alat Berat Sesuai SOP

Warta

Kapolres Cianjur Resmikan Aula Baru Polres Cianjur, Aula Apa Ya?

Warta

Kota Bandung Gencarkan Razia Yustisi Gakplin

Warta

Kegiatan LPPM Unwim di DKM Nurul Iman Griya Jatinangor

Warta

DPD PAN Kabupaten Cianjur Konsisten Kawal Pasangan BHS-M

Warta

BLT DD Haurwangi Tahap 4, Warga Mengantri Sejak Pagi

Warta

Ketua RW 16, Apresiasi Ketua DKM Masjid Al-Falah