Home / Silih Asah Silih Asih Silih Asuh

Rabu, 13 Januari 2021 - 21:06 WIB

Tina Cangklong jadi Wanoh

Batujajar, Bandung Barat, PajajaranPost.com – Teu bisa dipungkir deui, yén ayeuna jalma, utamana Urang Sunda, geus miboga kareueus deui kana budayana. Ti mimiti paguron pencak silat, komunitas iket, kampret, sapedah ontél, nepikeun ka cangklong, geus cing pucunghul ngaramékeun hasanah Budaya Sunda.

Karék apal sababaraha poé katukang, yén dideukeut imah aya pengrajin cangklong. Lain cangklong paragi udud bako, tapi ieu mah cangklong paragi udud roko kréték. Bahana tina awi haur konéng atawa siki burahol. Hargana murah pisah tergantung karumitan dijieun jeung bahanna.

Hilman Setiawan atawa biasa dilandih Bah Apét nu sok nyieunanna. Apét nu padumukanna di Kampung Gunung Aki Desa Batujajar Timur, Kacamatan Batujajar ieu, ngaku karék genep bulan nyieunan cangklong.

Basa ditanya sasakala kunaon manéhna dilandih Apét, cenah baheula sok ngingiclik ka bibina. Cek batur, budak téh mani apét ka bibi. Tah ti samet harita, nelah ngaran Hilman jadi Apét. Ari dirarangkeun sebutan Abahna ti iraha? Nya ti saprak maju ka kolot wé, cek Apét.

Baca juga  Komisi II Dukung Peda Minum Kopi Lokal

“Awalna ngadamelan cangklong mah iseng wé daripada jenuh dibumi,” pokna. “Aya inspirasi bahanna tina haur koneng.”

Apét nétélakeun, nyieunan cangklong mah can rada lila. Tapi lamun motékar kana kerajinan mah geus lila pisan. Ngan, terusna, kurang berkembang.

Anu resep kana cangklong buatan Apét lain ti sabudeureun Batujajar hungkul. Tapi urang Soréang Kabupaten Bandung gé, geus loba nu wanoh tur resep.

“Ieu téh nembé diposting dina éfbi. Sadinten tos aya 2 – 5 jalmi nu mesen,” caturna.

Apét nyaritakeun, keur sementara ieu bahanna karek tina haur koneng jeung siki kaboa paragi babandulna. Tapi siki kaboa mah, cek Apét keneh, hésé kudu indit ka Garut.

Baca juga  Harga Gas LPG 3kg Meroket, Warga Pangalengan Meradang

“Hiji cangklong dugikeun ka hérang tiasa nyéépkeun waktu sadintenan. Sadinten tiasa ngadamel 5 cangklong, éta gé kumaha emud. Hijian diical Rp30 – Rp50 rébu kumaha karumitanna.”

Ti lian ti nyieunan cangklong, Apét gé nyieunan aksésoris séjénna siga geulang tina siki burahol jeung tasbéh. “Ngan ayeuna mah nuju sumangét ngadamelan heula cangklong,” cenah.

Pondokna carita, bapa hiji budak ieu boga pangharepan hayang boga galeri pikeun majangkeun hasil kariaanna. Atuh gampangna mah Apét hayang produkna didaptarkeun UMKM sangkan gampang masarkeunna.

“Paménta sim kuring kanggé ais pangampih nyaéta kedah aya perhatosan kanggé ngembangkeun seni budaya utamina kana kamotekaran atawa pengrajin,” pungkasna.

(Tim Punakawan)

Editor: Erlian Permata Sari

Share :

Baca Juga

Silih Asah Silih Asih Silih Asuh

Risman, Budak Ngora nu Reueus Kana Kasundaan

Silih Asah Silih Asih Silih Asuh

Libatkeun Pangéran dina Sagala Urusan
Kholid

Silih Asah Silih Asih Silih Asuh

Rék Jadi Jelema téh?

Silih Asah Silih Asih Silih Asuh

Hirup kudu Nyurup

Silih Asah Silih Asih Silih Asuh

Zallfa Sang Penari Cilik dari Cipeundeuy

Silih Asah Silih Asih Silih Asuh

Si Kecrok Bolonyon, Unéng: Tutut Euceu mah Teu Kedah Dikecrok